Ezinye inhlanganiso ezizimeleyo, eziphakathi kokubhalisa amabizo abantu ezizabaholisa ukudla emaphandleni zibikwa zikhetha abantu ezithi bangabayanga kakhulu zitshiya abanye.
Abantu abakhethwayo ukuholiswa ukudla lokhu babikwa bengabanga fuyanga izifuyo ezigoqela imbuzi lenkomo njalo bengelankukhu ezedlula ezinhlanu.
Kodwa inengi labantu likhonona ngokuthi liyalamba loba lifuyile, njalo lezo zifuyo ziyabe zinlutshwana. lokhu kwenzakala indlala ibhahile elizweni, njalo kwezinye izigaba zelizwe kutholakala imbiko ethi indlala le isibangela ukufa kwabantu, ikakhulu abantwana, asebegugile kanye labagulayo. usenator herbert sinampande wesigabeni seBinga, ekucele le MDC elikhokhelwa nguMnu. Morgan Tsvangirai, utshele uSithandekile Mhlanga we studio 7 ukuthi
abakhetha abantu abazaholiswa ukudla zinhlanganiso ezizimeleyo zinduna labo sobhuku kuphela.Kunjalo-nje, uSithandekile Mhlanga we studio 7 uphinde waxoxa lomnu Gman Matemba othi imuli yakhe iyalamba njalo uhambe umango omude okwesabekayo esuka emzini wakhe elusulu esiya e binga centre ukuzama ukuyi phandela okungayiphilisa.
