Ukuvusa umnotho weZimbabwe akuzukuba yinto elula, ezathatha isikhathi esifitshane, kutsho umbiko owethulwe namhla yinhlangansio yeUnited Nations Development Programme. Ugwalo lolu oluthiwa Comprehensive Economic Recovery in Zimbabwe, lulotshwe zingcwethi zakwele Zimbabwe ezinhlanu, ezicubungula ezomnotho.
Ungwalo lweUNDP lolu luthi kuzathatha iminyaka elitshumi lambili ukuthi umnotho welizwe ubuyele esimeni somnyaka ka 1991,lapho umnotho wawungaka bhidliki kakhulu, njalo lusithi, kuzafuneka i 1,6 billion yamadollar eMelika ukuvusa umnotho emnyakeni wakuqala, kufuneka njalo loncedo lwemali oluzavela kwamanye amazwe.
UBrenda Moyo WeSstudio 7 ukhulume lengcwethi kwezenotho uMnumzana Sifundo Chief Moyo othi laloba umnotho usubhidlike kakhulu kavumelani logwalo lwe UNDP kudaba lokuthi kuzathatha iminyaka edlula itshumi ukuthi umnotho uphakame. UMoyo uthi uhulumende omutsha kumele afake amanyathelo aqinileyo okuthuthukisa umnotho welizwe.
