Ozakuba yinhloko kahulumende, uMnu.
Morgan Tsvangirai uthi uMongameli Mugabe kasoze athoniswe amacala awenza
embusweni wakhe. Kodwa uTsvangirai utshele intathelizindaba emuzini wakhe izolo
ukuthi abanye bakamugabe abacatshangelwa ukuthi benza udlakela ngesikhathi
somkhankaso wokhetho bazathoniswa.
Lokhu kubikwa kutshiye iziphathamandla zebandla leZanu PF sezithithibele. Ibandla likaTsvangirai libikwa lifuna isikhundla somphathintambo wezangaphandle kwelizwe onguye okhokhela amapholisa. IMDC ithi phambilini kokhetho lwe run-off ngoNhlangula kwafa abasekeli abedlula ikhulu lamatshumi amabili.
Igqwetha elilwela ilungelo likazulu, unkosazana Beatrice Mthethwa utshele uChris Gande weStudio 7 ukuthi phansi kwesisekelo sombuso welizwe uMugabe kangeke wathoniswa amacala awenza embusweni wakhe owamenyika engamatshumi amabili lasithola minwe mibili.
Ezinye izindaba zeStudio7 …
