Impumela yenkulumo zokubumba uhulumende omutsha elizweni ikhangelelwe kakhulu ngabamabhizimisi esigabeni sangezansi yeAfrica, abafisa ukuphatheka ekuthuthukiseni umnotho weZimbabwe, sokulungisiswe udaba lwezombusazwe. Ingcwethi kwezomnotho kunhlangansio ye South African Development Corporation zithi uhulumende weSouth Africa kumele anike eleZimbabwe imali engange 2Billion US Dollars yokuthuthukisa amabhizimisi,lokuvusa umnotho.
Umqondisi we South African Institution of International Affairs, uNkosikazi Elizabeth Sideropoulus uthi izijeziso zenotho ezethulelwa iziphathamandla zikahulumende kaMongameli Robert Mugabe zilakho ukuphazamisa intuthuko yelizwe kwezomnotho, esithi amazwe omhlaba engasuthiseka ngesivumelwano phakathi kwebandla leZANU PF lamacele omabili eMDC alakho ukuletha imali enengi yokuthuthukisa ezamabhizimisi.
Ingcwethi kwezenotho uMnumzana Nhlanhla Nyathi uvumelana lemibono le esithi laloba umnotho welizwe usubhidlike kakhulu abakwamanye amazwe bengaletha imali, akuzukuthatha isikhathi eside ukuthi umnotho uqale ukuphakama.
Ezinye Indaba ZeStudio7...
