Unobhala jikelele wenhlanganiso yomanyano wamazwe angezansi kweAfrica eyeSADC uDr Tomaz Augusto Salomao we Angola, uthi lobanje uMongameli Robert Mugabe enxusiwe emhlanganweni wenkokheli yamazwe eSADC oqhutshelwa kwele South Africa, iSADC izalalela iseluleko sikaMongameli Thabo Mbeki njengomlamulankunzi phezu kwalabo abazamela iZimbabwe kulo umhlangano. Lokhu kuphume emhlanganweni awenze labezindaba endawonye lomphathintambo obona ngokwenzakala phandle kwele South Africa uNkosazana Dlamini Zuma. UMnumnzana Salomao uthe kusobala ukuthi uMongameli
Robert Mugabe wanxuswa kulo umhlangano njengoba eluhwini lwamagama enkokheli zamazwe ayenxusiwe lelakhe lalikhona. Lobanje engazange aveze ukuthi uMugabe wanxuswa njengomongameli yini, uthe kusemandleni eziphathamandla zeZimbabwe ukuthi zitsho ezifuna azimele kulo umhlangano.
Ezinye Indaba ngesiNdebele...
