Isivumelwano sokuqhutshwa kwenkulumo zokuxazulula inkinga yelizwe, iMemorandum Of Understanding sithi sona kumele amabandla akulezo nkulumo akhulume emphakathini ukuthi awasekeli dlakela. Ngemva phose kwamaviki amabili akukabi lebandla elilodwa eselike lakhuluma ngaloludaba.
Ibandla leMDC lona lithi udlakela lokhu luqhubekela phambili elizweni lanxa inkulumo sezaqala. Kodwa lamuhla uMongameli Mugabe ubikwa etshele idale elimqoka leZanu PF ipolitburo eHarare ukuthi udlakela alwakhi sizwe. Umsekeli kanobhala obona ngokuqutshwa kwenhlelo zalelibandla, uMnu. Richard Ndlovu utshele uChris Gande weStudio 7 okunengi okwenzakale kulumhlangano.
Kunjalo nje, icele leMDC elikhokhelwa nguMnu. Morgan Tsvangirai lithi liyehluleka ukuthi ligcwalisise isivumelwano se MOU ngoba lingavunyelwa ukukhuluma emsekazweni lemaphephandebeni kahulumende. Unobhala obona ngezenzakala elizweni, uMnu. Sam Sipepa Nkomo uthsele uChris Gande weStudio 7 ukuthi iZanu PF ilokhu itshotshozela udlakela elizweni.
