Kulandela ukulobelana phansi isivumelwano senkulumo, kwabakhokheli bamacele womabili eMDC loMongameli Robert Mugabe, abamabhizimusi bathi bakhangelele ukuthi ukukhulumisana okumqoka okuzalandela kulethe inguquko kwezenotho.
Umnotho welizwe uqhubeka ubhidlika ngesiqubu esimangalisayo njalo amabhizimusi amanengi abikwa sevalile.
Usibalukhulu webhanga elikhulu lelizwe uMnu Gideon Gono ubike kuviki edluleyo ukuthi inflation yona sifike ku 2, 2 million. Uzulu uthi uthwele nzima okwamagama ngoba izinto ezimqoka zidula kumbe vele zingatholakali ezitolo.
Umqondisi
wenhlanganiso ekhankasela ukuthuthukiswa kwamabhizimisi abensundu i Affirmitive Action Group (AAG) esigabeni seMandebeleni, uMnu Sam Ncube utshele uBrenda Moyo weStudio 7 ukuthi ngobunzima obukhona, abamabhizimusi sebekhangelele ukuthi inkulumo phakathi kweMDC leZanu PF esezizalandela zilethe inguquko kwezenotho.
Ezinye Indaba ZeStudio7....
