Lanxa udlakela lwezombangazwe lubikwa selusilela endaweni ezinengi zelizwe kubikwa sekulokwethuselwa kwabasekeli bebendla leMDC ngamalunga eZanu PF.
Esigabeni seLupane kubikwa abalwa impi yenkululeko, ama war vets, esexotsha abantwana abalabazali abacatshangelwa ukuthi ngabasekeli bebandla leMDC.
Omela isigaba se Lupane East edaleni lephalamende uMnu. Njabuliso Mguni, ongomunye wababaleka esigabeni lesi, utshele uChris Gande weStudio 7 ukuthi umumo mubi kakhulu esigabeni sakhe ngoba izakhamuzi ezinengi zabaleka udlakela zatshaya intandane lamakhehla ewodwa elamba.
