Icele leMDC elikhokhelwa nguMnu. Arthur Mutambara lithi lalo libheke uhlupho lodlakela oselutshiye amalunga alo adlula itshumi lanhlanu efile endaweni ezitsheyeneyo zelizwe. Lelibandla lithi amalunga alo angamakhulu amane asebaleke emizini yawo ebalekela loludlakela. Kuthi icele leMDC elikhokhelwa nguMnu. Morgan Tsvangirai lona lithi sekufe amalunga alo adlula ikhulu letshumi seulokhu kwaqala loludlakela ngemva kokhetho lwangoMbimbitho.
Umsekeli webandla elikhokhelwa nguMutambara, uMnu. Renson gasela utshele uChris Gande weStudio 7 ukuthi amalunga abo asenkabazwe yiwo akhanya ebhekane lenkemenkeme esabekayo kudaba lodlakela lolu. UGasela uthi baphakathi kokukuhluzisisa imbiko ethi kulezidumbu zamalunga abo ayithoba minwe mibili ezisesibhedlela seGweru.
Kunjalo nje, abasekeli bamacele omabili e MDC abangamatshumi amane lanhlanu abetheswa amacala okuphatheka kudlakela lwezombusazwe ngezansi kwemandebeleni sekuthiwe ababuyiselwe enkambeni yamapholisa egwanda balethwe emthethwandaba we Gwanda ngoLwesihlanu ukuzothoniswa. UThabang Mathebula usethulela lolu daba
