Ibandla leMDC lithi kulamalunga alo amane atholakale efile ngemva kokudutshulwa ngabasekeli beZanu PF eChiridze. Lelibanda lithi inani labasekeli asebefile selifike amatshumi ayisithoba minwe minibili lambili.
Ekuqhubekeni kodlakela lanxa uMongameli welinye icele leMDC, uMnu, Morgan Tsvangirai esithi kasoze aphatheke kukhetho iStudio 7 ithole imbiko ethi umuzi kaMnumzana Elias Mdzuri owayengumeya wedolobha leHarare uhlaselwe ngamasotsha alitshumi atshaya kabuhlungu izihlobo zikaMudzuri kwadutshulwa osakhulayo olimele kakubi.
Esigabeni seManicaland isikhulumi salesisigaba, uMnu Pishayi Muchauraya utshele iStudio 7 ukuthi amalunga ebandla lakhe angamatshumi amathathu athunjiwe lamuhla. Sikhuluma nje amalunga la awaziwa ukuthi angaphi. Ingcwethi ecubungula ezombusazwe, uMnu. Joshua Mhambi utshele uChris Gande weStudio 7 ukuthi udlakela olwenzakalayo lutshengisa umkhuba walelibandla owodlakela.
