Ibandla leMDC elikhokhelwa nguMnumzana Morgan Tsvangirai lithi lizakhweza udaba lokuvinjwa ukwethulwa kwemibiko yalo yimisakazo lamaphephandaba kahulumende kumthethwandaba waphezulu, ngoba lokhu kungekho emthethweni. Isikhulumi sikaMnumzana Morgan Tsvangirai uMnumzana George Sibotshiwe utshele iReuters namhlanje ukuthi i ZBC le Zimpapers ibazise ukuthi kusukela namhla imibiko kanye lemihlangano yokukhankasela ukhetho ayisezukwethulwa ngabezindaba laba.
Umphathintambo obona ngezemithetho uMnumzana Patrick Chinamasa uthi indaba eziphathelane le MDC zethulwa kakhulu yimisakazo labamaphephandaba azimeleyo abangethuli indaba ezinhle mayelana lebandla leZANU PF. UBrenda Moyo weStudio 7 ukhulume loNkosazana Buhlebenkosi Moyo ohlola ukwethulwa kwemibiko kumsakazo we Television kunhlanganiso yeMedia Monitoring Project of Zimbabwe iMMPZ othi uhulumende angaze avimbe ukwethulwa kwemibiko ephathelane le MDC abantu yilo ibandla abazalivotela ngenkani
Ezinye Indaba ZeStudio 7...
