Amabandla akhanya elakho ukungena kukhetho lwesibili lokudinga umongameli, i run off, athi iZanu PF leMDC athi azimisele, njalo azilungiselele ukungena kulolukhetho.
UMnu Bright Matonga oweZanu PF, ekhuluma emsakazweni kamabonakude owe Aljazeera lamuhla uthe ibandla lakhe lizithembile ukuthi lizanqoba. Ngakwelinye icele umsekeli wesikhulumi seMDC ekhokhelwa nguMnu Morgan Tsvangirai uNkosazana Thabitha Khumalo uthi kungaba le run off, bazanqoba.
Kunjalonje iMDC ekhokhelwa nguMnu Arthur Mutambara izasekela ekaTsvangirai kungaba lokhetho lwe run off, kutsho umsekeli wesikhulumi salelibandla uMnu Abednico Bhebhe ekhuluma loNtungamili Nkomo weStudio 7.