Icele le MDC elikhokhelwa nguMnumzana Arthur Mutambara lithi abasekeli balo akumelanga babone angani inkokheli yebandla isilibhidlizile, nxa kuyikuthi kuzaphumelela ukuthi lisebenzelane loMnumzana Simba Makoni kukhetho luka 29 March. Umsekeli kaMongameli walelibandla uMnumzana Gibson Sibanda uthi ibandla lakhe liqoqa ukuhlala phansi loMnumzana Makoni njalo uma kuzakwenziwa izivumelwano zenziwe kungakafiki ilanga leNomination Court.
USibanda utshele u Brenda Moyo weStudio 7 ukuthi labo bakhangelele ukuthi kube lokumanyana kwamabandla onke aphikisayo kubunjwe i United Front kumizamo yokususa uMongameli Robert Mugabe esikhundleni, ngevoti.