Obengunobhala wezemvelo kucele leMDC elikhokhelwa nguMnumzana Morgan Tsvangirai uNkosazana Getrude Mthombeni obhubhe ngempelansonto ungcwatshwe ngoLwesibili emathuneni eAthlone ko Bulawayo. Umsekeli wesikhulumi secele leMDC ekhokhelwa nguMnu. Morgan Tsvangirai, uNkosazana Thabitha Khumalo uthe uMthombeni ubesazakala njengeqhawe kucele leli.
Uthi ubesazakala njengomuntu ongakhethi hlangothi njalo walwisa kakhulu ukuthi ibandla leMDC lingadabuki phakathi. Emngcwabeni wakhe bekulenkokheli yamacele eMDC womabili. Umthombeni wayesazakala njalo njengomuthu olwela ilungelo labesifazane. Asizweni imbono yakhe ngodaba lwamakhosikazi kungxoxo ayenza esaphila leStudio 7 khonapha emahofisini eStudio 7 ngomnyaka ophelileyo.
Emngcwabeni wakhe bekuleziphathamandla, abasekeli kanye lomkhokheli walelicele, UMnu Morgan Tsvangirai. Inkokheli yenhlanganiso ezigoqela i Zimbabwe Congress of Trade Unions, i National Constitutional Assembly lezinye inhlanganiso ezizimeleyo lazo bezikhona. Umsekeli ka Tsvangirai, uNkosazana Thokozani Khuphe uchasisele iStudio 7 okunengi okwenzakeleyo.