Obekhokhela uhlangothi lwamakhosikazi ecele leMDC elikhokhelwa nguMnumzana Morgan Tsvangirai, uNkosikazi Lucia Matibenga usese udaba lwakhe emthethwandaba.
Kumaphepha awase eHigh Court ngoLweisihlanu uMatibenga ucela ukuthi umthethwandaba uvimbe inkokheli yalelibandla ukuthi ingayenzi ukhetho ngempelaviki lokudinga amalunga azakhokhela loluhlangothi. UMnu Tsvangirai lamanye amalunga ebandla lakhe aphiwe isamanisi zaloludaba. UMatibenga, kumaphepha asemthethwandaba, uthi uTsvangirai kalandelanga isingqumo sebandla eze adilize uhlangothi lwabomama.
Uthi njalo lanxa kuthiwa uyenelisa ukuncintisa kukhetho lokudinga inkokheli yabomama bayamfihlela indawo lapho okuzenziwa lolukhetho. Umatibenga walile ukukhula lestudio seven ngaloludaba. Ingcwethi ecubungula ezombusazwe, uMnumzana Bekithemba Mhlanga utshele uChris Gande weStudio 7 ukuthi utsvangirai selembali yokungalandeli isisekelo sebandla.