Amacele womabili eMDC abikwa esevumelene lebandla leZanu PF ukuthi kusetshenziswe isisekelo sombuso esitsha. Lesi sivumelwano sibikwa senziwa kumaviki amabili adluleyo amaqula amela lamabandla aze ahlangane emkhunjini eKariba.
Iphephandaba le The Independent lithi isisekelo lesi esitsha sahletshunwa kwesalotshwa libandla leMDC leleZanu PF ngomnyka ka 2003 lengxenye yesisekelo esaliwa nguzulu ngo2000 sibanjaniswe lengxenye yesisekelo esikhona kathesi. Uzulu lenhlanganiso ezizimelyo bayasola kakhulu inkulumo lezi ezikhokhelwa nguMnumzana Thabo Mbeki ngoba bathi zenziwa ensitha. Isisekelo sombuso lesi esitsha sikhanya singasoze samukelwe nguzulu ngesizatho sona leso.
Umsekeli kamgcinisihlalo wenhlanganiso edinga isisekelo sombuso esitsha, iNCA, uMnumzana George Mkhwananzi uphe uChris Gande weStudio 7 imbono yakhe ngaloludaba.