Ingxabangxoza iqhubekela phambili kubandla leZanu PF koBulawayo ngemva kokubuyiselwa kulelibandla kukamnumzana jabulani sibanda umkhokheli wabalwa inkululeko yelizwe.
Lamuhla uSibanda ubelomhlangano lenthathelizindaba eHarare esethula inhlelo zenhlanganiso yakhe, iZimbabwe National liberation War Veterans Association. Inkokheli yeZanu PF koBulawayo ithi vele kayimnanzi ngoba imthatha njengomuntu ongekhoyo kulelibandla.
Kodwa abazi ngokwenzakala kulelibandla bathi usibanda, owaxotshwa ngumgcinisihlalo walelibandla, uMnumzana John Nkomo, wabuyiselwa nguMongameli Mugabe ngokwakhe. Isikhulumi seZanu PF koBulawayo uMnumzana Effort Nkomo uthi vele kabamnanzi uSibanda ngoba waxotshwa kulelibandla. Imizamo yokukhuluma loSibanda yehlule ngoba uthe usemhlanganweni.
UChris Gande weStudio 7 uxoxe loMnumzana Leornard Nkala, owasuka kubandla leZanu PF kumnyaka emibili edluleyo osekhokhela ibandla lePUMA embuza ukuthi ubona njani okwenzakalayo kulelibandla.