Udaba lokuhluza ukuba imithethwandaba eyemukela amagama abancintisa kukhetho lokudinga amalunga edale lephalamende ngomnyaka ka2005 yayisemthethweni na seluzaqala ngenyanga ezayo edale elimqoka iSupreme Court. IMDC isamanyene yethula loludaba isithi limthethwandaba yayingamelanga yamukele amagama abazangcintisa ngoba yayisephula umthetho we Zimbabwe Electoral Act.
Njengoba kungasansuku zatshwala ukuze kwenziwe olunye ukhetho ingcwethi zomthetho zithi loludaba lungabangela ukuthi ukhetho lomnyaka ozayo luphuze ukwenziwa nxa kungaphiwa isingqumo esigcizelela leso esethulwa yiHigh Court nyakenye esokuthi mpela imthethwandaba ye Norminations Court kayikho emthethweni. Ingcwethi ecubungula ezomthetho, uAdvocate Nicholas Mathonsi utshele uChris Gande weStudio 7 okungenzakala ngemva kokuthethwa la amacala.