Inhloko kaHulumende yakwele Bhilithane uMnumzana Gordon Brown uthi yena kazukuya emhlanganweni we European Union labakhokheli bamazwe e Africa i African Union nxa uMongameli Robert Mugabe enganxuswa kiwo. Kodwa inhlanganiso ye African Union layo ithi nxa uMongameli Mugabe enganxuswanga emhlanganweni ozakwenzelwa kwele Portugal layo ayizukuya kiwo, osokwenze i Portugal ingatsho ukuthi okwakhathesi imi ngaphi kuloludaba.
Kodwa ingcwethi kwezombusazwe zithi i Portugal ilakho ukunxusa u Mugabe kulo umhlangano njengendlela yokuthi amazwe omhlaba azi ukuthi udubo lwe Zimbabwe luyalungisiswa nguMongameli Thabo Mbeki we South Africa. UMnumzana Bhekinkosi Moyo uthi khathesi impi isiphakathi kwe European Union le African Union hatshi u Mugabe lo Brown.