Ikhansili yako Bulawayo ithi isivumelane lohulumende ukuthi umggwaqo walelidolobho, uMain Stree athiwe ngu Joshua Mqabuko Nkomo Street, kuthi u Old Victoria Falls RD athiwe ngu Kenneth Kaunda RD.
Kodwa ikhansili ithi ayivumanga ukuthi eminye imigwaqo itshintshwe amabizo ibizwe ngokuthi Nikita Mangena, King Mzilikazi, Chief Sigombe Mathema, King Lobengula, King Lozane kumbe Lookout Masuku.
Yalile njalo ukuthi isibhedlela sokubelethela, ese Lady Rodwell sithiwe yi Amhlophe, kuthi eseRichard Morris sithiwe yiMehlokazulu njalo inkundla ye White City ithiwe yi Hugh Ashton Stadium.
Ikhansili yalile njalo ukuthi eminye imigwaqo ithathwe nguhulumende ngoba isithi uhulumende kalamali njalo imigwaqo le ingacina ingasasebenziseki ngokungaphathwa kuhle.
Umgcinisihlalo wekomiti ebona ngokuntshintshwa kwamagama endaweni ezitshiyeneyo kukhansili yako Bulawayo, uKhansila Rodger Sibanda uchasisa okunengi ngenyathelo labo kuloludaba.