UMnumzana Morgan Tsvangirai uthi ibandla lakhe lizathatha amanyathelo athize ukuphikisa umthetho ofuna ukubekwa nguhulumende wokuguqula isisekelo sombuso welizwe, i Amendment number 18. Lokhu kutshiwo nguye u Tsvangirai ekhuluma lentathelizindaba namhla edolobheni le Harare.
U Tsvangirai uthi ukuguqula isisekelo sombuso kuzaphazamisa inkulumo zokukhumisana umlotha phakathi kwebandla lakhe, elinye icele le MDC elikhokhelwa nguMnumzana Arthur Mutambara, lele ZANU PF okuqoqwa ngokhethwe yinhlanganiso ye SADC ukuba ngumlamulankunzi kudaba lwe Zimbabwe, uMongameli Thabo Mbeki we South Africa.
I Studio 7 ikhulume lomgcinisihlalo wecele le MDC elikhokhelwa ngu Tsvangirai, uMnumzana Lovemore Moyo ochasisa amanyathelo abakhangelele ukuwathatha ukuphikisa ukuguqulwa kwesisekelo sombuso.