Uhulumende usekhweze intengo inkampani ye Grain Marketing Board i GMB esizathenga ngayo umumbu kubalimi. Intengo yomumbu iqonge kusukela ku $52 450 isiya ku $3 million ku tonne eyodwa. I GMB isizathengisela abagaya impuphu umumbu nge $3,1 million dollars ku tonne eyodwa. Lokhu kutsho ukuthi lentengo yempuphu isihle yaqonga okwesabekayo, njalo ingcwethi kwezenotho zithi intengo yempuphu izaqhubeka iqonga kubangelwa yikuqonga kwentengo yomumbu emhlabeni jikelele. Uhulumende uthi intengo yomgodla we 5kg wempuphu usuza kwedlula i $21 thousand dollars.
U Mnumzana Renson Gasela unobhala obona ngezokulima kucele le MDC elikhokhelwa ngu Mnumzana Arthur Mutambara utshele u Brenda Moyo we Studio 7 ukuthi laloba intengo yomumbu entsha le ikhanya inhle okwakhathesi, sokusiyafika isikhathi sokuvuna abalimi bethengisa umumbu wabo e GMB kusikhatshana esilandelayo, imali le iyabe ingasathengi lutho ngokuqonga kwentengo yezinto elizweni.