Amapholisa aqhubeka evimba imihlangano yama rally yamacele omabili e MDC ebiqoqwe kuyonale impelaviki. Icele elikhokhelwa ngu Mnumzana Morgan Tsvangirai laliswe ukwenza i rally kusasa esigabeni se Mashonaland west, kodwa lavunyelwa ukwenza ama rally e Mashonaland central, le Matebeleland north.
Abasakhulayo abecele elikhokhelwa ngu Mnumzana Arthur Mutambara baliswe ngamapholisa namhla ukwenza umhlangano wabo kusasa e Gweru laloba bebecele imvumo emapholiseni amaviki amabili edluleyo. U Nkosazana Ellen Shiriyedenga unobhala wohlangothi lwabasakhulayo utshele u Brenda Moyo we Studio 7 ukuthi abalandlela yokwazisa abasakhulayo abanxuswe emhlanganweni lo abavela kumagumbi amane elizwe ukuthi umhlangano awusekho, ngakho bazaqhubekela phambili ngomhlangano lo.
U Nkosazana Shiriyedenga uthi bona njengabasakhulayo bakubona kufanele ukuthi umhlangano lo uqhubekele phambili phansi kohlelo lwebandla oluthiwa yi defiance campaign, laloba inkokheli yebandla isithi abacele kakutsha imvumo emapholiseni.