Umantshi wemthethwandaba eHarare, uMnumzana Lazarus Murendo lamuhla utshele usikomitshi wamapholisa, uMnumzana Augustine Chihuri ukuthi asungule ikomidi ezahlolisisa ukutshaywa kwamalunga eMDC etheswa icala lokubhomba indawo zelizwe ezitshiyeneyo.
Lawa malunga agoqela uMnumzana Paul Madzore omela iGlenview edaleni lephalamende owabotshwa kumaviki amathathu adluleyo elokhu esesitokisini lapho abikwa atshaywa kubi.
Umantshi unqume ukuba uChihuri abeseqede ukuhluza ukutshaywa kwamalunga la umhlaka 20 kunyanga ezayo engakadluli.
Kodwa ingcwethi kwezomthetho, uMnu. Nicholas Mathonsi utshele uChris Gande westudio seven ukuthi isinqumo sikamantshi lesi kasithembisi lutho ngoba amapholisa ayiwo athiwa atshaya laba bantu yibo njalo esokuthiwa adingisise ukutshaywa lokhu.