Umthethwandaba weNkayi izolo wale ukuzwa udaba lwabasekeli beMDC ababotshwe kuthangi besetheswa icala lokuthumba umumbu wawumele uthengiselwe abasekeli bezanu pf.
Ababotshiweyo laba bebeyisitshiyagalombili njalo bonke ngabasekeli bebandla leMDC ekhokhelwa nguSkhwicamfundo Arthur Mutambara. Izolo emini amapholisa abase emthethwandaba kodwa abatshutshisi bafike bala ukuhluza udaba lwabo ngoba besithi akulacala abalidalileyo.
Icala ebelisetheswa abantu laba ngelokuthi bathumbe umumbu kuward 17 esigabeni se Thohwe owawumele uthengiselwe abasekeli beZANU PF ngeviki edluleyo. Imbangela, bebekhonona ngokuthi kungani umumbu weGMB lo uthengiselwa abasekeli bebandla elibusayo kuphela bona labo belamba.
UBabongile Dlamini obeseNkayi usipha loludaba.