UManisipala wakoBulawayo uthi amanzi ayincgosana asesele lawo alakho ukuphela phakathi kwenyanga ezimbili ezizayo okutsho ukuthi nxa izulu lingasananga idolobha leli lilakho ukubhekana lolunye uhlupho olunzima lokusilela kwamanzi.
Ekhuluma lentathelizindaba lamuhla uManjinela Simela Dube uthe isimo sesisibi kakhulu kulelidolobho ngoba sokusele amanzi amalutshwana alakho ukuphela du inyanga ezimbili zingakedluli.
USimela uthi into ehluphayo yikuthi lokhe izulu liqale ukuna amadamu lokhe engakagchwali ngakhoke amanzi azaqhubeka esilela.
Uthi itanka yamanzi kanye lezinye impompi zemizini ebalisa eyeCowdray Park leMagwegwe kazisenelisi ukumpompa amanzi ngokuqunywa kwamandla kagetsi osokuvame ngalezi nsuku.
UBabongile Dlamini usethulela lolu daba.