Icele le MDC elikhokhelwa ngu Mnumzana Morgan Tsvangirai libe lomhlangano le ntathelizindaba namhlanje edolobheni le Harare lapho umkhokheli walo eveze izinqumo zebandla zalonyaka.
U Tsvangirai uqonqosele ukuthi ibandla lakhe lizasebenzelana kakhulu lamanye amabandla aphikisayo, inhlanganiso ezizimeleyo kanye labezinkonzo phansi kohlelo lwe Save Zimbabwe campaign.
U Nkosikazi Lucia Matibenga okhokhela uhlangothi lwabesifazane kulelicele utshele u Brenda Moyo we Studio 7 ukuthi abasoze bavumele u Mongameli Robert Mugabe ukubusa kuze kuyekifa umnyaka ka 2010 wathi bona sikhulumanje balungiselela ukhetho ngo 2008, sokule sisekelo sombuso esitsha.