Ukusilela kwempuphu lefulawa edolobheni lako Bulawayo, kubikwa sokubangela ukuthi abantu besabele ukuthi umnyaka ka 2007 esiwusungulayo lawo uzaba lendlala esabekayo.
Ingcwethi ecubungula ezombusazwe, uMnumzana Felix Mafa utshele uSithandekile Mhlanga oweStudio 7 ukuthi umnyaka lo oqalisayo uzaba buhlungu ngoba ukuswelakala kwezinto kuzaqhubeka njalo labantu bazaswela ezinye indlela zokuziphilisa.