Inhlanganiso yeZimbabwe Election Support Network isikhuthaze uhulumende ukuthi aphe abatsha ithuba lokuphatheka ekuthathweni kwezinqumo zelizwe njengoba beyibo abanengi eZimbabwe.
Embikweni wakhe ekhuluma labatsha ngesikhathi kunanzwa usuku lweNational Youth Day ngeviki edluleyo, umongameli Emmerson Mnangagwa uthe kuqakathekile ukuthi abatsha bephatheke ekwakheni elakusasa leZimbabwe.
Mnu Chris Fundirwa, okhokhela inhlanganiso elwela amalungelo ezifundi ekolitshini leNUST eyeZINASU uthi abatsha kumele baqale ukudinga ulwazi olugcweleyo ngokuthi bengangena njani kuzikhundla zokukhokhela.
Uthi abatsha kumele bazi ukuthi bengangena njani kuzikhundla emakhansilini, edale lephalamende lakwezinye indawo hatshi ukukhala bekhatshana.
Ukhuthaze njalo inkokheli yelizwe ukuthi iguqule indlela ebheka ngayo abatsha njalo ibaphe amathuba okukhokhela.
Forum