Ingcwethi sezikhuthaze uhulumende weZimbabwe ukuthi aphangise ukulungisa udubo lokusilela komlilo kagetsi njengoba luphazamisa amabhizimusi.
Lokhu kuza kulandela ukucitsha kwamagetsi eZimbabwe leZambia ngoLwesibili ngemva kokuba inkampani kagetsi eye-ESKOM yakweleSouth Africa icitshe imitshina yeSouthern African Power Pool esetshenziswa ukwabela amagetsi emhlubulweni lo.
Lokhu kubikwa kwenziwe ngenhloso yokuvikela imitshina kulandela ukungasebenzi kuhle kwemitshina yaseZimbabwe.
Ekhuluma ngoLwesibili emhlanganweni wokucina walonyaka owabaphathintambo bakahulumende, umongameli Emmerson Mnangagwa uthe uhulumende ulwazi mhlophe loludubo njalo uzinikele ukululungisisa.
Kumaviki ambalwa edluleyo, amagetsi ake acitsha ephalamende atshiya uMnangagwa lezinye iziphathamandla zikahulumende emnyameni ngesikhathi umphathintambo wezemali uMnu. Mthuli Ncube esethula uluhlu lokusetshenziswa kwemali kahulumende.
Ingcwethi yezenotho uMnu Masimba Kuchera uthi uhulumende kumele aphangise ukulungisisa loludubo njengoba eseleminyaka esipha izethembiso.
Forum