Kunanzwa Usuku lweInternational Human Rights Day, Abalwela Amalungelo Oluntu Bekhala Ngoncindezelo

EleZimbabwe ngoLwesine limanyane lamazwe omhlaba ekunanzeni usuku lwe International Human Rights Day, uhlangothi lukahulumende olweZimbabwe Human Rights Commission lusithi lonyaka kube lengqubela phambili ekuvikelweni kwamalungelo oluntu.

Embikweni walo wokunanza lolusuku uhlangothi lolu lukhuthaze ukumanyana kukazulu lenhlanganiso ezitshiyeneyo ekuthuthukiseni amalungelo oluntu.

Kodwa, inhlanganiso yamagqwetha alwela amalungelo oluntu eyeZimbabwe Lawyers for Human Rights ithi ikhathazekile ngokwephulwa mahlayana kwamalungelo elizweni.

Ithi kulobandlululo oluvimba abanye ukuthola amalungelo abo, isithi abathwele nzima ngabalwela amalungelo oluntu.

Lonyaka kulabalwela amalungelo oluntu abanengi ababotshwayo abagoqela uNkosazana Namatai Kwekweza, uMnu. Robson Chere labanye.

Inhlanganiso yeZimbabwe Lawyers for Human Rights ithi abantu laba baqhubeka besethuselwa njalo bephathwa njengezigebengu bona beqhuba umsebenzi wabo owokulwela amalungelo.

Igqwetha elilwela amalungelo oluntu uMnu Pardon Tapfumaneyi utshele iStudio7 ukuthi laloba sekube lentuthuko ekuthuthukisweni kwamalungelo oluntu eZimbabwe kusasekunengi okumele kwenziwe nguhulumende.

Embed share

Ingxoxo loMnu Pardon Tapfumaneyi.

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:50 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala