EleZimbabwe Liqhubeka Liphakathi Kwamazwe Akhokhelayo Kunkohlakalo

Uhlangothi lukahulumende olulwisa inkohlakalo elizweni olweZimbabwe Anti-Corruption Commission, ZACC luthi luzinikele ukuphathisa abatsha ukuthi bazwisise ububi bokungethembeki njalo benelise ukunqoba.

Lokhu kuphume emhlanganweni wokunanza usuku lweInternationali Anti-corruption Day oqoqwe luhlangothi lolu lusebenza ndawonye leTransparency International Zimbabwe, iZimcodd, lezinye inhlanganiso.

Isigodlo seMelika eZimbabwe sithi inkohlakalo inciphisa amathuba entuthuko yabatsha.

Kuluhlu lweTransparency International oluhlola inkohlakalo eleZimbabwe liphakathi kwamazwe akhokhelayo kudaba lwenkohlakalo.

Usuku lweInternational Anti-corruption Day lunanzwa mhlaka 9 Mpalakazi minyaka yonke ngenhloso yokuphakela uzulu ulwazi ngokuqakatheka kokulwisa inkohlakalo.

Lonyaka usuku lolu lunanzwa phansi kwendikimba ethi: Uniting with youth against corruption: shaping tomorrow's integrity okuyikukhuthaza abatsha ukuthi labo balwisane lenkohlakalo.

Ingcwethi ecubungula ezenotho uMnu. Masimba Kuchera uthi inkohlakalo ayisoze iphele nxa kungalungiswanga udubo lwenotho.

Embed share

Ingxoxo loMnu Masimba Kuchera.

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:58 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala