Lanxa uMongameli Emmerson Mnangagwa ngoNhlangula lonyaka wasungula uhlelo lukahulumende olubizwa ngokuthi yi “Zimbabwe Multi-Sectoral Drug Abuse Plan 2024-2030,” kuyimizamo yokulwisana lohlupho lwezidakamizwa elizweni, lolohlelo lubikwa alukaphumeleli ekuvimbeni ukuthathwa lwezidakamizwa
Izidakamizwa lezo zithengiswa ezitaladeni emini libalele, abathengisayo labazisebenzisayo bengagqize qhakala. UMnu. Marshal Maphosa ngosakhulayo oleminyaka engamatshumi amabili lambili 22 ohlala eMpopoma koBulawayo, Uthatha izidakamizwa ezitshiyeneyo.
"Heroin, cocaine, crystal so ukuxolisa ngifuna ukutshela abanye ukuthi batshiyane lelento engangiyenza, khathesi ngiclean, ngicel'ungibize "Clean". Ngifun'usizo olunengi kakhulu labafowethu abanye abacatshileyo wotshu baniku' sizo."
Inengi lithatha okugoqela imbanje, intshengu lobunye utshwala obungekho emthethweni, umuthi wokukhwehlela, icrack, icocaine, iglue, inyaope, iheroine le iskunk lokunye. UNkosazana Lebohang Mthobi oleminyaka engamatshumi amabili ohlala logogo wakhe uthi uthatha iCrystal meth
"Manje angisakhoni ukuthi ngiwabheme as much as ngilapha endlini ukuthi ngibheme amaDrugs ugogo bazongitshela ukuthi ngikhuluma ngiyi "one," ngiyenza ini ini ngiyi "one" mina ngiyabe sengihleka ngiyi "one", sengikhuluma ngedwa ngiyi "one".Uyabesithi uyangithanda mara ufuna ngibotshwe uthi ufuna bayongivalela."
Ugogo ka Lebo uNkosikazi Maria Sangoma uthi usekhathele ngomzukulu wakhe othatha izidakamizwa.
"Ngicelu'sizo kumhlaba wonke ukuthi bangincedise ngomntwana lo, umntwana lo sengidiniwe ngaye uyabhema amadrugs, uyaphuma ahambe aqede amalanga aphinde abuye so ngicela uncedo ongakwanisa ungincedisa nje akamthathe ayemfake ndaweni avalelwe kumbe uvalelwa umnyaka kumbe six months yikho engikufunayo khonokho ngicelu' ncedo lonolu."
UMnu. Mbusi Ncube, oleminyaka engamatshumi amabili lanhlanu uthi kukhona okuhlupha intsha okubangela ukuthi ithathe izidakamizwa
"When you are going through which is depression you have to experience a lot of things ngacina sengithatha lezizidakamizwa futhi due to unemployment ezinye izinto ezayenza ukuthi sicine sisebenzisa ezinyi'zinto but khathesi sengama.”
Ukukhuphuka kwenani labasakhulayo abathatha izidakamizwa sekubangele ukuthi uNkosikazi Sukoluhle Ncube isizalwane seZimbabwe esihlala eMelika sivule isibhedlela esibizwa ngokuthi Valley of Hope. Injongo yaso ngeyokuncedisa abathatha izidakamizwa ukuthi behlukane lomkhuba lo.
UNkosikazi Siphokazi Nyilika ngumphathi walesisibhedlela.
"Ngendlela abahlukumezeka ngayo labazali indlela abakhala ngayo so sasesi'cabanga ukuthi singayenza njani so sacina siphuma and umtwana engayenza khonokho bayabe bephombu'kuthi uyahlanya uyahlanya."
Omunye oncediswa yisibhedlela lesi ngu Mnu. Clive Hlongololo othi ubenatha utshwala okwedlulisileyo. Uthi kunengi asekufundile esibhedlela lesi.
"Basifundisa kuhle sibili ukuthi siziphathe njani ubele kusasa lakho, ifuture yakho uziqalisele impilo yakho kutsha, khangela khathesi sesiqala phansi. Mina hayi bengi addicted to alcohol benginatha utshwala lobu obungekho legal eZimbabwe obuthiwa ngoNtshengu."
UNkosazana Sisa Ncube osebenza ukweluleka abathatha izidakamizwa uchaza kabanzi ngohlupho oluhlangana lomuntu osebenzisa okudakayo.
"Bebekuma episodes balama hallucinations lani lani hantsho, it’s because of ukuhlanganisa izinto ezinengi.Abanengi bahlanganisa imbanje lentshengu hanti, izinto ezifana lazenalezo oCocaine labo mefy unfortunately ngenxa ye availability yakhona that we have nowadays every street corner nje it's very easy ukuthi bebele access ngamalokhuza ,ngamaDrugs wonalawo so that's the problem that we are facing."
Amazwi kaMaNcube agcizelelwa yingcwethu kwezomkhuhlane wengqondo esebenzela iActive Youth Zimbabwe uMnu. Romeo Matshazi.
"Kwesinyi'skhathi uthola ukuthi bayabe befuna ukuSocializer ngikwa taking drugs for fun lezinto ezinengi'nengi eziyabe zibahlupha eimpilweni maybe le unemployment rate yoneyi ukuthi abantwana akulanto abangabe beyenza ebakhipha occupied ezindlini lapha, so into eyenzakalayo bathatha amaDrugs ngenxa yokuthi bayabe befuna ukuthi bekhohlwe ngalezi zinto abayabe behlangana lazo ama problems abalawo ekuphileni so sebecina be indulger ku Drug abuse."
Isikhulumeli samapholisa akoBulawayo uInspector Abedinico Ncube uyavuma ukuthi izidakamizwa zigcwele yonkindawo
"Indaba yamaDrugs leyi ayisafuni amapholisa wodwa , ayisafuni izakhamizi zodwa, ayifuni bantwana besikolo bodwa kumbe amaYouth wodwa , ehh umkhuhlane wamaDrugs ungabona umuntu eselawo sesikhangelele umuntu ofayo sesikhangelele ikusasa esitshabalele . Abantwana abayenza izinto zamaDrugs laba balakho ukutshontsha balakho ukudlwingula abazali babo, balakho ukudlwingula abafowabo , balakho ukubulala abazali babo.Abasongozi emulini kuphela bayingozi kuCommunity , yikho ngithi asisukumeni sonke silwisane lendaba yamaDrugs."
Akwaziwa ukuba kulabantu abanengi kanganani eZimbabwe abathatha izidakamizwa. Uphenyo olwenziwa yinhlanganiso yeUNICEF ibambisana lohulumende lenhlanganiso ezimbalwa ezizimeleyo lwaveza ukuba abanye abantwana baqala ukuthatha okudakayo beleminyaka elitshumi okubangelwa yikuhlupheka, imizi echithekileyo lokuswela umsebenzi.
Forum