Umayor wedolobho lakoBulawayo uMnu.David Coltart uthi balethemba lokuthi uhambo abasanda ukulugqiba kweleMorrocco ukuyadinga usizo lwemali kuhlelo lokwakha idamu lamanzi ele Glassblock/Bopoma eMatabeleland South luzaphumelela.
Eloba enkundleni yebulenjini eye X ngoMvulo, uMnu. Coltart uthe bethule umbiko wabo emhlanganweni weAfrica Investment Forum osanda ukuqhutshwa eMorocco wabonisa imbiko yemifanekiso yama videos abayethulele lumbuthano bekhalaza uncedo. Uthe kudingakala imali efika phose ezigidi ezilikhulu zamadola eMelika;99 million dollars yokwakha lelo damu kanye lempompi esuka kulo isiya esititshini seNcema.
UMnu. Coltart ubekhatshwe kuloluhambo ngunobhala wedolobho lakoBulawayo uMnu. ChristopherDube, lesiphathamandla esibona ngenhlelo zamanzi kuleyokhansili uMnu. Sikhumbuzo Ncube.
Izakhamizi zakoBulawayo, njengakwezinye izigaba zelizwe, zithi udaba lokusilela kwamanzi luzithwalise amagabha avuzayo njalo kukhangelelwe ukuthi uhlelo lokwakhiwa kwedamu le Glassblock lube ngolunye lwesisombululo kuloludaba.
I-Africa Investment Forum iholwa zinhlanganiso ze AFDB Group, Afreximbank, Africa50, Africa Finance Corporation, Development Bank of Southern Africa, European Investment Bank, Islamic Development Bank, le Trade and Development Bank.
Forum