UBiden Wethekelela Isititshi seLobito Esakhiwa Ngemali Kahulumende weMelika

Umongameli Joe Biden weMelika ngoLwesithathu uvakatshele eLobito eAngola lapho okwakhiwa khona isititshi sezitimela.

Wethekelele lindawo ngosuku lwakhe lokucina eseAngola, ngemva kokuvakatsha okwamalanga amathathu.

EleMelika likhuphe isikwelede samadola eMelika ayingxenye yebillion, i$550-million esokulungisa injanji exhumanisa iZambia, DRC le Angola kanye lokwakha isititshi seLobito.

Umongameli Biden uqhube umhlangano labakhokheli abathi uJoão Lourenço oweAngola, uFélix Tshisekedi oweDRC, uHakainde Hichilema oweZambia, kanye lomsekeli kamongameli weTanzania uPhilip Mpango.

Uhlelo lolu luhlose ukuthuthukisa ukuthwalwa lokuthengiselwa kwamanye amazwe kwamatshe aligugu njalo luncintisana lenhlelo eziqhutshwa yiChina emazweni aseAfrica.

Uhambo lolu lugcwalisisa isethembiso sikaBiden esokuvakatshela iAfrica ngesikhathi engumongameli.

Embed share

Ingxoxo loMnu Effie Dlela Ncube.

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:54 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala