Umanyano weSADC undawonye lenhlanganiso eziphathisa uzulu uthi kudingakala usizo ngokuphangisa emazweni angezansi yeAfrica lapho okulabanengi asebesifa ngendlala ngenxa yesomiso.
Iziphathamandla zamazwe lenhlanganiso ezitshiyeneyo ezingene umhlangano oqoqwe yiSADC indawonye lomanyano weUnited Nations lezinye inhlanganiso ezisebenza zizimele zithe kulendingeko yokubuthanisa imali ezaphathisa uzulu.
Esethula uluhlu lokusetshenziswa kwemali kahulumende ngomnyaka ka 2025 umphathintambo wezemali uMnu Ncube uthe, ugatsha lwakhe lubeke eceleni iZiG 813 million eyokuphathisa abalambayo abasemaphandleni abayizigidi eziyisithupha 6.2 million kanye labasemadolobheni ebafika phose izigidi ezimbili 1.7 million.
Umnu Ncube uthe uhulumende uzaphathiswa zinhlanganiso ezizimeleyo ngemali yokudla kwabalambayo engamadola eMelika ayizigidi ezilikhulu US$110.
Kodwa lokhu kuza ngemva kokuba inhlanganiso ephathisa abalambayo eyeWorld Food Program yehluleke ukuqoqa imali yokuphathisa abalambayo eneleyo.
Forum