Oncintisa kukhetho lokudinga ukhansila ka ward one eVictoria Falls ezimele uMnu. Ephias Mambume uthi uselungiselela ukukhweza enkundleni ephakemeyo eyeSupreme Court udaba oluphikisa isinqumo somthethwandaba ophezulu owe high court esisanda ukwethulwa, esimvimba ukuthi ancintise ngoba ebikwa engabhadalanga indleko zakhe kukhansili okumthathela leli ilungelo ngomthetho welizwe.
Lokhu kuvezwe ligqwetha elimmelayo uMnu. Tinashe Runganga, ekhuluma leStudio 7.
Ukhetho lolu luzaqhutshwa mhlaka 30 ekupheleni kwayonale inyanga njalo udaba lokuthi uMnu. Mambume engancintisi lwakhwezwa ngumhlali we Victoria Falls.
UMnu. Mambume wake waba ngukhansila kulelodolobho ngaphansi kwebandlale CCC kodwa wammiswa umsebenzi, njalo ubikwa elosekelo lowake wakhokhela lelobandla uMnu.Nelson Chamisa.
UMnu. Mambume utshele umsakazo we Studio 7 ukuthi umthethwandaba we high court awamukelanga amaphetshana ama receipts, ayibufakazi obubonisa ukuthi ngempela wabhadala ekhansili ngoba usithi kawalasidindo. Uthi umanisipala uvele kadindi ama receipts njalo wayehambe lama original.
Ngalokho, uthi umangoye uyasola ngoba kungabe sokungenele isandla semfene kuloludaba.
Siphinde saxoxa loMnu, Clement Mukwazi, okhankasela Ilunga lebandla leZANU PF elincintisa kulolukhetho uMnu. Clement Mukwasi.
UMnu. Mambume engehluleka ukuncintisa, kutsho ukuthi uMnu. Mutasa uzahle abe ngukhansila ka ward one ngoba ebikwa engekho omunye oncintisayo ngaphandle kwabo bobabili.
Forum