Owayengumongameli weMelika uMnu. Donald Trump owebandla leRepublican Party unqobe obencintisana laye uNkosikazi Kamala Harris oweDemocratic Party, kukhetho lokudinga umongameli weMelika ngemva kokuthola ama Electoral votes adingakalayo ukuthi enqobe njalo kulokhe kusabalwa aseleyo.
Lokhu kutsho ukuthi uMnu. Trump ngowakuqala umongameli ozabusa engelalungelo lokuncintisa okwesibili selokhe kwedlula iminyaka yama 1890s, njengoba esephindela okwesibili esihlalweni.
UMnu. Trump wamukele ukunqoba kwakhe lamuhla ekuseni, wabonga abasekeli bakhe emhlanganweni we rally eFlorida lapho agcizelele ukuthi uzalungisa imngcele yelizwe lakho konke athi konakele elizweni leMelika, lona athi uzalenza liqine, livikeleke, njalo liphumelele.
Ibandla likaMnu.Trump elama Republicans, liphinde lanqoba eSenate ngokuthola izihlalo ezingamatshumi amahlanu lambili phakathi kwezilikhulu.
Impumela yokhetho lwenkundla esingathi yiphalamende yeMelika eye House of Representatives, lapho amaRepublicans ayibambe khona ngesiduku ingakethulwa ngokupheleleyo.
Abanye asebethumele imbiko yokuhalalisela uMnu. Trump babalisa abakhokheli bamazwe omhlaba abagoqela inhloko kahulumende we Israel uMnu.Benjamini Netanyahu, umongameli Volodymyr Zelenskyy we Ukraine, lonobhala jikelele womanyano weNATO uMnu.Mark Ruttle.
Abanye abethule imbiko efanayo ngamazwe e France, Bhilithani, Hungary, Russia, Australia, India, South Korea, Japan, Phillipines, China, umanyano we European Union,kanye lamazwe asemhlubulweni weAsia leAfrica, okugoqela eleZimbabwe.
Ukuhlaziya loludaba, sixoxa loMnu. Zenzo Nkomo, ingcwethi ecubungula ezombusazwe.
Forum