Iyaqhubeka Imikhankaso Yabancintisa Kukhetho Lokudinga Umongameli weMelika eMichigan leGeorgia

Oncintisa kukhetho lokudinga umongameli weMelika oluzaqhutshwa ngoLwesibili ngeviki ezayo emele ibandla leDemocratic Party, uNkosikazi Kamala Harris, ukhankasa embuthanweni yama rallies eMichigan ngoMvulo encediswa ngumsekeli wakhe uMnu. Tim Walz, njalo umbiko wakhe ubikwa uzakuba uqondiswe kwabasebenza emafekithali kuleyondawo.

NgeSonto ukhankase e Philadelphia njalo ukhangelelwe ukwethula umbiko wakhe omqoka kusasa eWashington DC.

Ngakwelinye icele, omunye wakhe oncintisa emele ibandla leRepublican Party uMnu. Donald Trump ubikwa ezaphatheka emihlanganweni eGeorgia, kulandela umbuthano wakhe weRally eNew York ngeSonto, lapho abanye abakhonone ngokuthi abalandeli bakhe bebekhuluma amazwi ehlukanisa abantu ngemihlobo.

Umsekeli kaMnu. Trump, uMnu. JD Vance, yena ubikwa ekhankase eWisconsin ngoMvulo.

Umongameli Joe Biden yena uvote lapho ahlala khona eDelaware ngoMvulo ngohlelo lokuvota kungakafiki ilanga lokhetho.

Ukuhlaziya loludaba, sixoxa loMnu. Anglistone Sibanda, ingcwethi ecubungula ezombusazwe njalo engumqondisi wenhlanganiso ye Green Afrique Technologies, esiqale ngokumbuza ngokuqakatheka kwembiko yababili laba.

Embed share

Ingxoxo loMnu. Anglistone Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:20 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala