Uhulumende unanze ilanga lababalisi ele World Teachers Day l eGokwe ngoLwesihlanu lapho ancome amatitshala ngomsebenzi abawenzayo lanxa bebhekane lengxaki ezinengi eziphathelane lomnotho welizwe ongamanga kuhle.
Ababalisi bathi bafuna ukwengezelelwa iholo njalo umphathintambo obona ngenhlelo zemali uMnu. Mthuli Ncube uthi uhulumende uyakulungisa lokhu.
Sixoxa loMnu. Mandlenkosi Siwela umbalisi okhubazekileyo, ongumlobi, oyimbongi, ofundisa esikolo seJotsholo Secondary School.
Uthi ababalisi abakhubazekileyo balendingeko ezinengi ezigoqela ukuthi imbalo eminengi ilotshwe nge braille, benelise ukungena ezakhiweni nxa besebenzisa ama wheel chair, njalo bathole imitshina yakulezinsuku eyenzelwe bona.
UMnu. Siwela uthi utshayela ihlombe uhulumende ngokuthi sowaqhatsha abantu bokucncedisa ababalisi abakhubazezileyo.
Uthi okunye okubahluphayo bakukhweza kulabo ababamelayo senate.
Forum