Uzulu we Zimbabwe wamukele ngendlela ezehlukeneyo ingxoxo-mpikiswano phakathi kwabancintisa kukhetho lokudinga umongameli weMelika ababalisa uNkosikazi Kamala Harris owebandla leDemocratic Party loMnu. Donald Trump owele Republican Party.
Ababili laba badibane okwakuqala ngoLwesibili selokhe uNkosikazi Harris wakhethwa ukuba amele ibandla lakhe ukuncintisa kukhetho, lona oluzaqhutshwa ngenyanga kaLwezi kwele Melika kuwonalo umnyaka.
Ingxoxo le ithethe ihola lengxenye ababili laba bephikisana ngendlela abafuna ukubusa ngayo ilizwe le Melika, njalo bechasisa inhlelo zabo ezigoqela ezomnotho, ezokungena lokuphuma elizweni, lezobudlelwano lamanye amazwe
AbeZimbabwe bathi kunengi abangakufunda ngendlela ele Melika elivumelana ngayo ukuba labo abakubandla eliphikisayo baphiwe ithuba elokuchasisa abafuna ukukwenzela uzulu.
Omunye wabakhulume lokhu ngu Mnu Darlington Tshuma.
‘’ Thina sithaba ukuba umuntu wonke ofuna ukuncintisa nxa elakho ukubusa ilizwe elikhulu kangaka loba ukukhankasa nje kutsho ukuba lathi siyenelisa ukukwenza lokhu. Ngithabe kakhulu ngendlea azibambe ngayo ekuphikisaneni’’
Lokhu kugcizilelwe ngomunye owesifazana osakhulayo uNkosikazi Nonhlanhla Mpilo yena othi kunengi akufunde kuNkosikazi Harris yena othembise ukuba uzakwenza ele Melika lamukeleke emuntwini wonke njengelizwe lokugcwalisa amaphupho.
‘’ UNkosikazi Harris ufuna ukugcizelela indaba zamalungelo oluntu okutsho ukuba lathi kuleli singathola usizo kwele Melika nxa engangena, indlela achaze ngayo udaba lwamalungelo ingithintile’’
Ingcitshi ekwethulweni kwemibiko esebenza lenhlanganiso ye Zimbabwe National Editors Forum uMnu. Njabulo Ncube uthi kuhle kakhulu ukuqakathekisa ukuba labo abancintisa kukhetho baphikisane kumabonakude.
‘’ Ingxoxo mpikiswano le iqakatheke kakhulu ekwenzeni ukuba uzulu azi ukuba abafuna ukukhethwa babalethelani ngabe lathi siyafunda kulokhu okwenzakala eAmerica’
Osekele lokhu ngosakhulayo uMnu Melusi Mdluli yena othi uthakazelela uMnu Donald Trump.
‘’ UMnu Trump ungumuntu otsho okusenhliziyweni yakhe. SIkubonile lokhu kungxono mpikiswano njalo kusinikeze imfundo enkulu lathi kwele Zimbabwe"
UNkosikazi Harris uthi enganqoba uthembisa inhlelo ezigoqela ukuthi kube lula ukwelatshwa ezibhedlela zikahulumende, lokulwisana lokuguquka komkhathi.
UMnu. Trump yena uthi enganqoba uzalwisana lalabo abathi umkhathi uyaguquka, ukuba abantu bokuza bengaphongungena eMelika lokusekela amabhizimusi elizwe lakhe.
Forum