Usibalukhulu webhanga elikhulu lelizwe eleReserve Bank of Zimbabwe, uMnu John Mushayavanhu uthi sokulokuhlaliseka komnotho kulandela ukwethulwa kwemali entsha eyeZimbabwe Gold, iZiG.
Kumbiko we-Mid-Term Monetary Policy awethule ngoLwesihlanu, uMushayavanhu uthe uzulu wamukele kuhle limali njalo uthe bazakwengeza imali emkambo wayo.
Imali le isethulwa idola leMelika elilodwa lalilingana lamaZiG alitshumi lantathu, 13, njalo ayikagugudeki emabhanga kodwa emkambo wensitha idola elilodwa leMelika selithengwa ngamaZiG angamatshumi amabili lambili, 22, kusiya kumatshumi amabili lasikhombisa, 27.
UMnu Mushayavanhu wazise njalo ukuthi sebekhuphe inhlawulo yokuthumela imali engaphansi kwamadola eMelika alitshumi, i -$10 ngenhloso yokukhuthaza uzulu ukuthi asebenzise amabhanga.
Olandela ezenotho njalo elwela amalungelo ezisebenzi ekunhlanganiso yeZimbabwe Congress of Trade Unions uMnu Ambrose Sibindi utshele iStudio7 ukuthi imali yeZiG ingakhutshwa inengi kakhulu ilakho ukubangela ukukhwela kwentengo.
Forum