Uhulumende uthi abantu abayizigidi eziyisithupha lamakhulu amabili 6,2 million emaphandleni kuphela bazadinga ukuphathiswa ngokudla, okuvezwa yikudingisisa kwesimo sendlala akwenzileyo, kusiyafika inyanga kaMbimbitho ngomnyaka ozayo. Abantwana besikolo labo bazadinga ukunikezwa ukudla kusiya kunyanga elandelayo.
Lokhu kuvezwe lugatsha olubona ngokwethulwa kwembiko njalo kuvezwe emhlanganweni wedale labaphathintambo bakahulumende ele cabinet ngoLwesithathu ntambana.
Uhulumende uthi kuzadingakala amabele alesisindo sama metric tonnes afika phose inkulungwane ezingamakhulu amahlanu; 464 608.54.
Ukudla okukhona eziphaleni zikahulumende eze strategic grain reserve kugoqela ingqoloyi, umumbu, amabele, lenyawuthi. Ukudla lokhu kusilela ngama metric tonnes edlula inkulungwane ezingamakhulu amabili lamakhulu amathathu; 200.362.54 wona uhulumende athi azagcwaliswa yisivuno sengqoloyi esizasala elizweni, esikhangelelwe ukufika inkulungwane ezingamakhulu amabili lamatshumi amane; 240 000 kanye lamanye amabele azathengwa nguhulumende kwamanye amazwe akhangelelwe ukwedlula ama metric tonnes azinkulungwane ezingamakhulu amathathu 300 000.
Kusenjalo umongameli Emmerson Mnangagwa usesukile elizweni walubhekise eBeijing China lapho okulomhlangano obona ngobudlelwano balelolizwe lamazwe akuzwekazi le Africa owe Forum on China-Africa Cooperation (FOCAC) Summit. Uqhutshwa ngaphansi kwendikimba ethi, "Joining Hands to Advance Modernization and Build a High-Level China-Africa Community with a Shared Future."
Forum