Uhulumende lamuhla uthe asesemaphethelweni amalungiselelo omhlangano weSADC Summit ngoMgqibelo lapho eleZimbabwe elizathatha isikhundla sokuba ngumgcinisihlalo walumanyano.
Lokhu kuphume emhlanganweni wabaphathintambo bakahulumende owe Cabinet lapho okugcizelelwe ukuthi amanye amalungiselelo la agoqela ukulungiswa kwezakhiwo, imigwaqo, inhlelo zamanzi, ezempilakahle, lezokuxhumana ebulenjini.
Imihlangano eyandulela umhlangano we Summit ngoMgqibelo layo iyaqhubeka njengenjayelo.
EleSouth Africa libikwa lisithi alilamandla awokwenqabela eleZimbabwe ukuthi liqhube lumhlangano, njengalokho okutshiwo libandla leDemocratic Alliance kulelolizwe, lisithi kwephulwa ilungelo loluntu, okugcizelelwa ngabanye.
Kodwa uMnu. Anglistone Sibanda, ingcwethi ecubungula ezombusazwe njalo engumqondisi wenhlanganiso ye Green Afrique Technologies uthi ngempela bakhona abafuna ukungcolisa isimo selizwe, kulungiselelwa lumhlangano.
Forum