Ummeli weHwange Central edale lephalamende uMnu. Daniel Mokokele loKhansila Ellen Zulu weHwange abangamalunga ebandla leCCC bamenywe ngamapholisa ngeSonto lapho abathi babuzisiswe ngokuthi bengabe beqoqa ukutshengisela na eHarare kusalungiselelwa umhlangano weSADC ozaqhutshwa elizweni ngenyanga ezayo.
Ababili laba bakhululwe ngeSonto emini kodwa baziswa ukuthi bengabizwa loba nini kungatholakala ubufakazi bokuthi kukhona abaqoqa ukukwenza.
Abanye babo abambalwa bamenywe ngoMgqibelo ngamapholisa eHwange njalo omunye ubikwa elokhe evalelwe esitokisini.
Lokhu kwenzakala abamabandla aphikisayo labalwela ilungelo loluntu besithi bayabotshwa mahlayana kulungiselelwa umhlangano weSADC njalo abanye lokhe bevalelwe esitokisini.
Ukuze sizwe okwenzakelelyo, sixoxe loMnu. Molokele.
Kusenjalo, uhulumende uthi amalungiselelo okuqoqa umhlangano weSADC aqhubeka kuhle elizweni. Kodwa abathengisa ezitaladini bakhala ngokuxotshwa endaweni abathengisela kuzo. UMnu. Mbongeni Dube, ilunga lebandla leZANU PF, owake waba lilunga ledale lephalamende, kodwa okhuluma ezimele, uthi ngempela ilizwe lilunge ukuqhuba umhlangano weSADC njalo akulakuhlukuluzwa kwabantu okwenzakalayo.
Umongameli Emmerson Mnangagwa usanda ukuxwayisa abantu ukuthi beziphathe kuhle phambilini komhlangano weSADC njalo bengayangisi ilizwe, okwagcizelelwa lugatsha lukahulumende olubona ngokwenzakala elizweni. Kodwa abanye bathi lokhu yikwethusela abantu.
Forum