Abezempilakahle bathi abantwana abazalwa belomkhuhlane wetshukela okubizwa ngokuthi yi-type 1 diabetes, kumele bethole uncedo masinyane ngoba ulakho ukubabulala besancela. Bathi kunzima ukuhlolisisa isifo lesi ebantwaneni abasanda kubelethwa.
Umkhuhlane wetshukela obizwa ngokuthi yi Type One Diabetes uhlasela abantwana, ngoba ezelwe umbendeni wakhe ungenelisi ukukhipha abathi yi-insulin ngokunjalo umzimba wakhe uyabe ungamukeli itshukela ukuba usebenze kuhle.
Akwaziwa amanani abantwana abalesifo lesi eZimbabwe lanxa ingcwethi kwezempilakahle zisithi engaba munye phakathi kwabane abalomkhuhlane lo abawuthelelwa ngabazali. Ingcwethi kwezempilakahle ziqonqosela abazali ukuba bananzelele izibonakaliso zomkhuhlane lo ukuze umtwana athole ukwelatshwa ngokuphangisa.
UDokotela Edwin Sibanda umqondisi wezempilakahle kukhansili yakoBulawayo uchasisa ngomkhuhlane wetshukela yabantwana.
UDokotela Derick Matsika osebenzela koBulawayo esibhedlela seMpilo uthi kunzima ukwelapha umkhuhlane lo ebantwaneni.
Uqonqosele umphakathi ukuba asekele abantwana abagula lumkhuhlane.
UNkosikazi Janet Masuku umzali olomntwana olesifo setshukela ulandisa ngendlela umntanakhe asephila ngayo.
Ukutholakala umntwana elemkhuhlane lo akutsho ukuthi kasoze aphile impilo epheleleyo, kutsho abezempilakahle. Bbathi kungalandelwa izixwayiso zabo bayanelisa ukungafiki esibangeni somkhuhlane esingenza impilo ibe nzima.
Ngaphandle kokuthelelwana ngokosendo itshukela alithelelwana njengeminye imikhuhlane engalutho ukumemetheka.
Forum