Isilinganiso Sokukhuphuka Kwentengo Yempahla Sehlile eZimbabwe, Kutsho uSikhwicafundo Steve Hanke

Ingcwethi yezenotho yeleMelika elodumo uSikhwicamfundo Steve Hanke uthi eleZimbabwe lilokhe liyilo elikhokhelayo emazweni wonke omhlaba kudaba lokukhuphuka kwentengo yempahla i-inflation, lilesilinganiso esedlula amakhulu amahlanu ekhulwini i559% ngomnyaka.

Inani leli lehlile kakhulu nxa liqathaniswa lalikhupha ngenyanga kaNhlolanja elaliyisilinganiso esedlula inkulungwane ekhulwini i-1,397%.

Ibhanga elikhulu lelizwe eleReserve Bank of Zimbabwe lasungula imali entsha eyeZimbabwe Gold ngoMabasa ngenhloso yokumisa ukukhwela kwentengo yempahla lokuswela amandla kwemali yeleZimbabwe njalo ezinye ingcwethi zezenotho zithi lokhu kwaletha ukuhlaliseka komnotho welizwe.

Ingcwethi yezenotho uMnu Masimba Kuchera uthi kuliqiniso ukuthi imali entsha eyeZiG ilethe ukuhlaliseka kwezenotho elizweni.

Embed share

Ingxoxo loMnu Masimba Kuchera.

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:42 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala