Inengi lezizalwane zeZimbabwe kanye lohulumende labezombusazwe bayayisola imizamo yokubulawa kukalowo owaye nguMongameli weMelika, uMnu Donald Trump odutshulwe uhlamvu lwatshitshiliza indlebe walimala, ekhuluma emhlanganweni wokukhankasela ukhetho owerally yakhe, esigabeni ese Pennsylvania eMelika ngeSonto.
Abantu abanengi emazweni womhlaba okugoqela eZimbabwe basele bebambe owangaphansi bebona imifanekiso yamavideo yokudutshulwa kuka Trump.
UThabani Moyo uthi okwezenke eMelika izolo kuyisibonelo sokuthi udlame lwenzakala loba kungaphi komhlaba.
"The way okwenzakale ngayo kusitshengisa okunengi kusitshengisa ukuthi every time we are blamed as Africa ukuthi kumbe engani asicabangi but now we have seen it happening in America whereby uTrump laye has been attacked on stage and it's actually amazing ukuthi kuhlala ku pointer kithi ukuthi khangela ni benzani badlala njenga madlwane but this is what they are also doing."
Osakhulayo uMagolide uthi okwehlele uTrump kungabe kubangelwe yikuthi uzondwa ngabanengi ngenkulumo zakhe ezehlukanisa lokuxabanisa abantu.
"Lokho okwenzakale kuTrump kuyisibonelo esikhulu kakhulu okutshengisa ukuthi abantu abamthandi ngabe uyahle tshiye ngoba uphose wafa."
UMnu Mlungisi Moyo lilunga leCentral Committee kubandla elibusayo leZanu-PF uthi akula mbuso wentando kazulu opheleleyo emazweni womhlaba okugoqela laseMelika.
"Lokhu kuhle kwafaka mgceke ukuthi democracy yabo yi democracy abafuna ukuyi forcer emazweni eAfrica idemocracy yona bona bodwa abangayenelesiyo ukuyiyenza basuke uzwe nxa umongameli ehamba lesecurity yakhe umongameli waloba yiliphi ilizwe lase Africa bathi hayi I exaggerated kanti ke zindlela zokuzama ukwenza ukuthi inkokheli zibe exposed sikubukele ke uTrump ubezambela lesecurity yakhe elula nanku uphose wabulawa."
Isikhulumeli sebandla le Citizens Coalition For Change uMnu Promise Mkhwananzi uthi ukudutshulwa kuka Trump ibandla lakhe liyakusola kakhulu.
"Lokhu akusiphathanga njenge bandla thina sithi nxa kulokhetho kungaba se Zimbabwe kungaba seAmerica kungaba ngaphi kufuze lwenziwe ngokuthula kungela muntu oyethusela omunye kungela muntu obambela omunye umbhobho okuyinto evamileyo kwele Zimbabwe lapha ke ukwethuselana kuhlala kukhona nxa kulokhetho okwenza ukuthi ukhetho lweZimbabwe lingavumakali lungaphumi kuhle."
Uhulumende we Zimbabwe usole kakhulu isehlakalo leso. UMphathintambo obona ngendaba zasekhaya, uMnu Kazembe Kazembe nguye okhulume emele uhulumende esithi eleMelika kalifunde kweleZimbabwe
"Besingakukhangelelanga ukuthi nxa kusiba lokhetho kube lodlame, thina ukhetho lwetho lwahamba kuhle kungela msindo, akula owadutshulwayo akula Ohlaziya ezombusazwe uMnu Angelestone Sokhulu uthi kungaba lezizatho ezinengi ezenze uTrump bamdubula.
“Kungenzeka ukuthi indaba le ngeyaphakathi eh umnumzana Donald Trump edinga ukuthi athole into okuthwa yipublic sympathy eh uzwelo ukuthi azwelwe ngabantu ukuze athole la okuthiwa ngama political points ukuthi kulodlakela olukhona olwenziwa ngabantu abangafuniyo ah ama policies kumbe izimiso ezimelwe ngumnumzana Donald Trump eh kwenzwe uphenyo kuchache ukuthi kuhambe njani yinto embi kakhulu”
UMnu. Trump uthwalelwe esibhedlela lapho okubikwa kungabanga lomonakalo omkhulu wahle waphunyiswa. Uthe esephunyisiwe esibhedlela uhle wabika ukuthi uyabe ekhona emhlanganweni omkhulu webandla lakhe lama Republicans oweConvention oqala kusasa eMilwaukee, esigabeni seWisconsin.
Forum