Kwezemidlalo, uEzra Tshisa Sibanda uxoxa lo lomdlali wenguqu owake waba lodumo uLawrence Phiri, yena owadlala, waqeqetsha njalo waba ngumphathi weqembu le Highlanders engakayi kweleBotswana lapho acine ethatha umhlala phansi khona. UEzra uqala ngokusethulela impumela yemidlalo yalamuhla leyakuyonale iviki.
Iqembu lesizwe elama Warriors liphezu kwengalane yemiklomelo yesibaya sika Group B emdlalweni yeCosafa Cup edlalelwa eSouth Africa. Iqembu leli lanqoba Comoros 1 0, namhlanje emini linqobe eleZambia 2 0. Selingenile kusibanga sesibili salumncintiswane lanxa lingakadlali umdlalo walo wokucina leKenya kulesisibaya. Emdlalweni ye Premier League eZimbabwe izolo Ngezi 2Caps United 2, Bulawayo Chiefs 0 Manica Diamonds 0, Simba Bhora 1 ZPC 0, Yadah 2 Highlanders 0, Namhlanje Dynamos 1 Green Fuel 0, Namhlanje Hwange 2 Bikita 2, Tel 1 Platinum 1, Chegutu Pirates 1 Arenel Movers 0, Chicken Inn 0 Herentals 0. Kunzima kuBosso.
Kusenjalo, uMnu. Lofty Phiri, owakhathaza kakhulu kwezenguqu ngesikhathi sakhe kuqembu leHighlanders, asizweni imbali yakhe ngamafitshane.
UPhiri uthi edlalela iqembu le Bosso wezwa ubuhlungu obukhulu abanye bezama ukusebenzisa imali ukubhidliza iqembu lakhe.
Ibhola elalidlalwa yini ngesikhathi senu lalinjani njalo kukhona yini umdlali owayekukhathaza enkundleni lidlala.
Inengi labalandeli be Bosso likhala ngokuthi kungani ungangeni kuleliqembu uphathe kungaba kuBoard kumbe Executive.
Forum