Izakhamizi zeNkayi zithi sezisungule isikhwama esizaphathisa abaqhuba amabhizimusi athuthukayo, labafuna ukuwasungula ngendlela yokuthi abantu beziphandele.
Isikhwama lesi sisungulwe ngokusemthethweni nguMnu. Jabulani Hadebe ummeli weNkayi South edale lephalamende lapho kubekwa usomabhizimusi osanda ukubhubha uMnu. Mtsheli Sibanda owayezakala ngokuthi ngu “Thokoza” igama lesitolo sakhe esiseNkayi.
Umuyi uMnu. Sibanda obeleminyaka engamatshumi amahlanu lambili ubikwa wayethanda ukusiza abanye njalo lanxa waqalisela phansi, wenelisa ukuthuthukisa amabhizimusi akhe aba mbalwa.
Ngalokho, uMnu. Hadebe uthi amalunga azasebenzisa lesi isikhwama azabizwa ngokuthi ngawe “Thokoza Business Club.”
UMnu. Hadebe uthi uqale ngokunikeza isikhwama lesi imali ezinkulungwane ezinhlanu zama Rands-five thousand Rands.
Uthe ingqe ngubani engasizakala kulesi isikhwama njalo kuzabunjwa inhlanganiso elesisekelo ezahlela ukusetshenziswa kwaso.
Uqhubeke wathi amalunga eThokoza Business Club azavula isikhwama sokugcina imali ebhanga, kuthi labo abafuna ukwebokela bathathe khona, kusayine abalelungelo lokwenza lokho.
“Ngobunzima esibhekane labo njengelizwe ngibone njengo member of parliament ukuthi sithi creater imisebenzi. Lanxa ufuna ukuthengisa amatamatisi, ikhabitshi, ukuvula i-hair salon, irestaurant, iwelding, ukubaza, ukulungisela abantu inqola, izivalo, ama wardrobe, kumbe ukuthengisa ama cellphone accessories lama electrical gadgets, ukhululekile uku joiner le i-club…ngeyomuntu wonke oyisizalwane seNkayi…especially eNkayi South,” kutsho uMnu. Hadebe.
Uthi amalunga ale iclub azavumelana ukuthi azabeka malini kulesi isikhwama munye-ngamunye ngenyanga.
Forum